पृष्ठभूमि
काठमाडौं उपत्यकाको योजनाबद्ध तथा दिगो शहरी विकासलाई प्रवर्द्धन गर्ने उद्देश्यले काठमाडौं उपत्यका विकास प्राधिकरणले विभिन्न शहरी विकास तथा जग्गा एकीकरण (ल्याण्ड पुलिङ) कार्यक्रमहरू सञ्चालन गर्दै आएको छ। यसै क्रममा ललितपुर जिल्लामाभेल्पा-हात्तीवन जग्गा एकीकरण आयोजना कार्यान्वयन भइरहेको छ।
भेल्पा-हात्तीवन जग्गा एकीकरण आयोजना (प्रथम चरण)
नेपाल सरकारबाट मिति २०७१/०१/१६ मा भौतिक विकास योजना स्वीकृत भएपछि आयोजना कार्यान्वयनमा आएको हो। आयोजनाको मुख्य उद्देश्य योजनाबद्ध शहरी विकास, आधुनिक पूर्वाधार निर्माण, व्यवस्थित भू-उपयोग तथा जग्गाधनीहरूलाई विकसित घडेरी उपलब्ध गराउनु रहेको छ।
मुख्य विवरणः
- आयोजना स्वीकृति मिति: २०७१/०१/१६
- अवस्था: कार्यान्वयनमा
- आयोजना क्षेत्रफल: ३१०.२९ रोपनी
- कुल प्लट संख्या: ५७७
- स्थान: हाल ललितपुर महानगरपालिका वडा नं. १५ (साबिक वडा नं. ५ह, ५घ१ र ५च१ क्षेत्र)
यस चरणअन्तर्गत सडक सञ्जाल, सार्वजनिक खुला क्षेत्र, सामाजिक पूर्वाधार तथा अन्य आवश्यक शहरी सुविधाहरूको विकास भइरहेको छ।
भेल्पा-हात्तीवन जग्गा एकीकरण आयोजना (दोस्रो चरण)
आयोजना मिति २०७१/१/१६ मा भौतिक विकास योजना स्वीकृत भए पनि , स्वीकृत हुंदाका बखत अधीग्रहण गरिएका जग्गा कित्ताहरु मध्य प्रथम चरणमा ३१०.२९ रोपनीको मात्र भौतिक योजना (DPR) स्वीकृत भई कार्यन्वयन भैरहेको अबस्था छ । तर दोश्रो चरण अन्तर्गतको भौतिक योजना (DPR) हाल सम्म तयार नभएको अबस्थामा वरिपरिका केही जग्गाधनीहरूले आयोजनामा समावेश गरी पांउ भनी निबेदन पेश भएको हुदा उक्त जग्गाधनीहरूलाई समेत समावेश गरी भौतिक योजना (DPR) तयार गर्न सम्बन्धित निकायहरूको बिभिन्न मितिको निर्णयहरू तथा व्यवस्थित शहरी विस्तारको आवश्यकतालाई मध्यनजर गर्दै दोस्रो चरणको DPRतयार गर्न लागिएको हो।
दोस्रो चरणको योजना तयार गर्दा स्थानीय आवश्यकताहरू, प्रचलित कानुनी व्यवस्था, सम्बन्धित निकायहरूको बिभिन्न मितिमा भएका निर्णयानुसार २०२१ नापी अभिलेखलाई आधार बनाइ सर्भे गर्ने कार्य भईरहेको छ।
भेल्पा-हात्तीवन जग्गा एकीकरण आयोजना ललितपुर जिल्लामा व्यवस्थित शहरी विकासको महत्वपूर्ण परियोजनाका रूपमा कार्यान्वयन भइरहेको छ, जसले भविष्यको दिगो तथा आधुनिक शहरी विकासका लागि आधार तयार गर्ने अपेक्षा गरिएको छ।